Металург извесно во јуни ќе го загуби статусот шампион на Македонија, но за да успее да стигне и до вицешампионски „појас“ го очекуваат жестоки битки пред сè со струмичкиот тим Зомимак М, кој отворено најавува атак на второто место.
Свесен дека на располагање има невоигран тим составен набрзина и од играчи кои не можат да гарантираат второ место, Лино Червар одигра потег каков што не одигра во август кога се спремаше тимот за Лига на шампиони.
Имено, екипата замина на подготовки во странство. Не се работи за некоја егзотична дестинација, за база каде се кова игра и тактика за Зомимак одбрана е Врњачка Бања, а таму сосема сигурно хрватскиот стратег нема милост кон никого.
Но, дека покрај „вадењето на маста“ има простор и за забава и тим билдинг покажуваат фотографиите објавени на официјалната веб страница каде Металург слободниот тренинг го искористи за качување по вештачки карпи.