По натпреварот за 3.место во СЕХА лигата во кој екипата на Загреб го победи македонскиот вицешампион Вардар, тренерот на победничката екипа Веселин Вујовиќ на средбата со новинарите потенцира дека Вардар има реални шанси да го мине полскиот Киелце во четвртфиналето од Лигата на шампионите.
- Со многу повредени ракометари Вардар беше 50 минути рамноправен противник. Жалам што Раул дојде во позиција со преполовен тим за настапи на завршниот турнир. Сега мислите комплетно ни се насочени кон Лигата на шампионите. Истото важи и за Вардар и мислам дека ако ги рехабилитираат повредените ракометари Вардар има реални шанси да дојдат во Келн, изјави Вујовиќ.
Тренерот на црвено-црните, Раул Гонзалес само потврди дека целиот вардаров тим со мислите е насочен на двометот против Киелце.
- Честитки за победата на Загреб, одиграа многу добро. Им посакувам успех во ЛШ. Загреб игра многу добро сезонава. Нашиот фокус е на следната средба против Киелце во Лигата на шампионите, истакна Гонзалес.