РК Загреб на 9-ти април ќе го пречека тимот на Барселона во рамките на првиот четврт-финален натпревар од ЛШ,а по тој повод админот на Фејзбук страницата на клубот од Хрватска посака посебно добредојде до еден ракометар. Кире Лазаров.
Лазаров во два наврати го носеше дресот на Загреб, а овој месец ќе се врати во градот каде што помина многу убави моменти и во кој освои дури 7 домашни шампионски титули.
„Еден од играчите на Барселона е пред враќање во Арената Загреб. Иако во спротивен дрес, најмногу се радуваме на враќањето на Кире Лазаров, некогашниот Загребљаш. Единствениот и неповторливиот Кире Лазаров-7. Се гледаме во Загреб, стоеше на Фејзбук профилот под фотографијата од Кире облечен во дресот на Загреб.