Овогодишното издание на скопскиот „Визeр“ маратон според најавите се очекува да биде најмасовено до сите претходни изданија. На уличната трка, која е предвидена за 10 мај, досега се пријавени над 5.600 натпреварувачи, а се очекуваа таа бројка да достигне до 7.500 илјади.
„Дефинитивно ова ќе биде најмасовниот скопски маратон од сите претходни издание. Ние се погриживме целата организација да биде на едно повисоко ниво, исто како и наградниот фонт кој сега изнесува 17.000 евра. Ги повикувам сите активни и рекреативни натпреварувачи да се пријават, а очекувам и поголема посетеност од страна на sкопјани“, потенцира директорот на оваа манифестација, Кире Синадиновски.
Новина е тоа што скпоскиот маратон од страна на Европската атлетска федерација е награден со пет ѕвезди во организациски и безбедносни рамки, воедно и обезбедува можност за остварување на норми за Олимписки игри, како и Светски и Европски првенства.
На седмото издание, поради повреда нема да пристигне Вилсон Кипсанг, но се очекуваат натпреварувачи од Етиопија, како и атлетичари од Кина и Јапонија.