По Алекс Душебаев уште четворица ракометари остануваат верни на Вардаровиот дрес, македонските репрезентативци Филип Лазаров и Стојанче Стоилов, како и Матјаж Брумен и Алем Тоскиќ.
Капитенот Лазаров и Тоскиќ ќе останат во тимот уште една сезона, додека десното крило договорот го продолжи на две години. Стоилов, пак, во Вардар останува три сезони, до јуни 2018.
Како што претходно најави директорот на клубот, Давор Стојановски, цел на Вардар е да се задржат играчите кои ја сочинуваат основата на екипата, која две сезони во низа е меѓу најдобрите осум во Европа и да се задржи континуитетот и во иднина.
