Оригиналниот, првиот Capri беше еден од најпознатите и најсаканите модели на производителот, кој се произведуваше до крајот на осумдесетите години на минатиот век.

Пристапните купе модели на автомобилите како да се наоѓаат во својата ренесанса, а Ford веќе се има докажано со своите фокусирани пазари преку S-MAX компакт MPV и Kuga 4x4.

Сега е време Capri да го направи својот камбек на пазарот.

Едно е сигурно, Capri ќе наиде на огромна конкуренција. Audi го има своето A5, Volkswagen – Scirocco, Toyota планира да направи нова Celica, Hyundai го најави своето Coupé и на крај Peugeot преку своето 308 RC Z.

Како што може да се види од сликите, новиот модел на Ford има доволно стил кој привлекува големо внимание.

Предната двојна решетка е заштитен знак на моделот со прилично големите и ниски воздушни канали до кој се наместени светлата за магла.

Профилот на автомобилот е приближно сличен со оригиналниот модел и e дополнет со познатите задни прозори во форма на буквата “С“, потесните столбови на кровот и повпечатливите задни и предни фарови.

Внатрешната кабина е инспирирана од новото Mondeo и во неа се сместени 4 седишта. Пластиките кои ќе се користат се од висок квалитет кој одговара на оваа класа.

Агрегатот кој ќе го придвижува автомобилот е 5-цилиндричен со зафатнина од 2.5-литри и на кој е додаден турбополнач како на ST моделите.

RS верзијата со 3.2-литарскиот, 6-цилиндричен мотор кој нуди погон на 4 тркала, исто така се наоѓа во плановите на фабриката.

За жал, моделот нема да дојде на пазарот пред следната декада. Планираниот концепт официјално ќе биде објавен дури во 2009 година.

(Б.Т)