Информациите дека Ferrari ќе направи GT автормобил, кој е воведен под иницијалниот дизајнерски код F149, сега се потврдени.

Уште пред некое време италијанскиот производител на спортски автомоили покажуваше слики од надворешниот дизајн на новата креација, но сега, таа се наоѓа во фаза на тестирање. Ако се потврдат тестовите како позитивни, моделот ќе се најде на продажба во брзо време.

Новото возило ќе припаѓа на GT класата.
Бидејќи нема официјално име, како потенцијални, во форма на шпекулации, се потенцираат: Dino, F149, California GT итн. Конкретна информација за тоа треба да се добие при крајот на месец мај.

Од спецификациите, кои може да се дознаат, најинтересен е агрегатот кој ќе биде 4.3-литражен V8 и кој ќе се базира на моторот на F430, но со подобрен директен систем на инјектирање на горивото, нови и поголеми влезови за воздух, нови типови на глави на цилиндерот и модифицирани воздушни вентили.

Новиот, помал 2+2 Ferrari официјалното претставување ќе го доживее на Парискиот саем за автомобили во октомври.

GT-то ќе има метален покрив на преклоп, за прв пат употребен во историјата на производителот, кој додава тежина и покрај тоа што производителот тврди дека ќе гледаат да ја намалат вкупната маса во најголема мера.

Од маркетинг аспектот, F149 ќе биде наменето за потрошувачи кои го преферираат престижот на Ferrari во комбинација на GT (Grand Tourer) можностите, наместо врвниот стилски дизајн.

Цената која се планира да ја има ова Ferrari изнесува околу 155.000 евра.

(Б.Т)