Jaguar XF стана добитна комбинација на Британскиот производител на луксузни автомобили. Беше само прашање на време кога специјалистите за спортски верзии на Јагуар од “Арден“ ќе постават раце на овој модел.

Луѓето во Арден го дизајнираа Јагуарот така да постане желба на сите зависници на сила и спортско-класичен дизајн.

Меѓу спецификациите кои најмногу се истакнуваат се: надградувањето на моторот, деталите во интериерот како и екстериерните промени.

Подобрувањата на моторот се однесуваат на сите четири верзии на стандардните агрегати.

Најмоќната верзија на 4.2-литражниот V8 со 416кс сега, со промена на литражата во 4.5 и примена на супертурбо полнач ќе произведува снага од над 500кс.

Екстериерот доби промени кои се типични за Арден.
Аеродинамичните модификации се карактеризираат на прво место, со спуштената суспензија, спуштен браник кој има зголемени влезови за воздух (наменети за ладење на моторот и сопирачките) и зголемената решетка со модифициран дизајн која е хромирана на краевите.

За целата работа да биде подраматична, дизајнерите вметнаа и LED диоди во предните фарови.

Како што се движиме накај задниот дел на Jaguar XF AJ 21, може да се забележат добро дизајнираните странични проширувања како и влезовите на воздух кој се сместени пред задните тркала и кој даваат екстремно спортски изглед. Влезовите за воздух се наменети за ладење на задните сопирачки на возилото.

Целата задница сега подлежи на модификации. Со новиот спојлер и зголемениот браник на кој се сместени четири широки и хромирани издуви, AJ 21 комплетно се разликува од својот оригинал AJ 21.

Пакетот на промени е заокружен со новиот сет на лиени бандажи со големина од 21-инч и внатрешните ознаки на “Sportline“.

(Б.Т)