Еве едно Audi ТТ кое е навистина “злобно“ и без кров!

Сликите кој ќе ги видите се однесуваат на новата верзија Audi ТТ Clubsport на германскиот стилски роадстер.

Специјалниот модел има агресивен изглед и моќност од 300кс.

Како што може да видите, новодојденецот е спремен за изложување и се базира на дизајнот на концептот кој беше претставен на автомобилското шоу во Есен, минатиот Ноември.

Резултатот е дека Clubsport на Audi, дефинитивно ќе крши вратови на поминувачите.

Предницата се карактеризира со повеќе продлабочен браник во однос на стандардната ТТ верзија, а исто така се разликува и според проширувањата на каросеријата над гумите како и страничните проширувања на долниот дел од автомобилот.

Интересно кај овој модел е пресечениот преден ветробран и интересните странични прозори. Позади возачката кабина се наоѓаат заштитни шипки обложени во кожа, наменети за осигурување на патниците во случај на превртување на возилото, кои се добри и како визуелен елемент.

Под надворешната “шминка“ е сместен 2.0-литражен агрегат од S3 хечбек верзијата, со модификации, кој е способен да произведе снага од 300кс.

Поврзан со Ауди-евата Quattro (погон на 4 тркала) верзија, моторот ветува одлични перформанси.

Информација за денот на лансирање на моделот не е добиена, но првичните примероци кои ќе може да се купат се очекуваат да бидат присутни при крајот на оваа година.

(Б.Т)