|
 |
Стил / Автосвет
Тајно претставување на новиот Sagaris
Има надеж за британската компанија TVR. Познатиот произведувач, на настан кој се чуваше во најголема тајност, ја претстави подобрената верзија на Sagaris.
За време на презентацијата, најавено е дека автомобилот ќе се најде во производство до крајот на годината. Приказните за затворање на фабриката, масовните отпуштања и за можно присоединување со еден италијански произведувач предизвика страв за можно целосно згаснување на легендарната марка. Сепак, се чини дека на TVR и претстојат посреќни денови.
Дејвид Оксли, генералниот директор на компанијата, за време на презентацијата на автомобилот најави дека продажбата на моделот може да се очекува во првите месеци на 2009 година, за кога е предвиден и почетокот на развојот на новите модели на компанијата.
Новиот Sagaris (на сликата е претставен стариот модел) доби унапредена суспензија и управувачки систем. Внатрешноста е темелно обновена, вграден е нов систем за климатизација, нови теписи, а рестилизирана е средната конзола. Новиот модел ќе добие 4-литарски мотор со шест цилиндри, кој и понатаму ќе испорачува 380 KS со 473 Nm обртен момент.
Цената се уште не е позната, но се очекува дека ќе се движи до 85.000 евра. Автомобилот нема да биде наменет само за британскиот пазар, каде управувачот се наоѓа на десната страна, туку и за останатиот каде воланот е позициониран на левата страна. Продажбата прво ќе започне во Британија, а потоа ќе се прошири и во останатите делови на Европа и на Средниот Исток. (Д.Т)
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|