|
 |
Стил / Автосвет
Jaguar XF 2.7 Diesel Premium Luxury
Кај елитните модели 90 отсто паѓа на угледот, бидејќи во високата класа нема лоши, ниту просечни модели. Jaguar XF, наследникот на S-Type, заслужено го има добиено местото во тоа друштво. Тоа може да се види уште на прв поглед. Статусната англиска лимузина дава еротски привлечен стил и аристократска изведба.
Него го движи 2.7 D V6, со 207 KS и обртен момент од 435 Nm. Наследникот на моделот S-Type покрај тоа што има еротски дизајн и аристократски луксуз, има и особено силен и штедлив дизел мотор.
Новата лимузина, изгледа толку проклето добро, што слободно може да се рече дека XF, заедно со легендарниот E-Type (1961. - 1975.), веројатно е најдобриот Jaguar на сите времиња, кој слободно може да се бори со Audi A6, BMW серија 5 и Mercedes E-класа
Под каросеријата која потсетува на Aston Martin DB9 се наоѓа платформата од S-Type. Завршната обработка овој пат е на највисоко ниво, што не беше случај со досегашните модели.
Меѓуосовинското растојание - 291 сантиметри открива дека е задржана старата платформа со докажаните својства. Димензиите на автомобилот се благо зголемени, па така сегашниот модел е 496 сантиметри долг, 187,5 широк и 146 сантиметри висок. Екстра сантиметрите му дадоа повиток и подинамичен изглед на моделот.
Причината поради која XF ви наликува на Aston Martin DB9 веројатно е поради фактот што зад дизајнот стои Англичанецот Иан Калум, кој се вбројува во петте најдобри дизајнери за автомобили.
XF, без разлика колку ќе ви звучи чудно е inside-out автомобил: од внатре изгледа попривлечно отколку од надвор. Всушност кокпитот ја открива уметничката душа. Додека моторот е изгасен, внатрешноста има придушен и поспан изглед.
Уверливите перформанси и поволната потрошувачка може да се каже дека се производ на добро испегланата аеродинамика, а за неверојатната стабилност одговорни се 19 –цолните бандажи и гумите 245/40
Автомобилот поседува „touch screen“ кој овозможува лесно прилагодување на сите секундарни функции, а меката кожа, во комбинација со хромираните украси и брусеното дрво се проверена формула за успех. Автомобилот со луксузно – спортски стил има доволно простор околу предните и задните седишта, како што и прилега на една елитна лимузина.
Со помош на двата турбополначи од 2720 ccm даваат 207 KS при 4000/min, кои со помош на вртежен момент од 435 Nm и квалитетниот автоматски менувач ZF со шест степени обезбедува перформанси какви што и се очекува од еден Jaguar. XF до 100 забрзува за 8,2 секунди, а максималната брзина изнесува 236 km/h, иако во фабричката декларација стои дека развива 229 km/h.
|
|
|
|
|
|
 |
Пребарување
|
|
|
|
|
|
|
WEBmail |
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|