|
 |
Стил / Автосвет
Враќање на американската легенда
Покрај Corvette, Mustang, Challenger и Avenger, меѓу легендарните американски спортски автомобили се вбројува и Camaro, моделот на Chevrolet кој за првпат беше прикажан во далечната 1966 година.
До 2002 беа претставени четири генерации на Camaro, а пред две години се појави концептот кој ја најави петата генерација. Извесен период се нагаѓаше дали новиот Camaro воопшто ќе се појави на улиците, но челниците на Chevrolet дадоа зелено светло за сериско производство.
Дизајнот на новата генерација е многу сличен на концепт-моделот кој беше многу сличен на оригиналот од 60-ите години на минатиот век. И покрај тоа што се истакнува со своите ретро линии, сепак Camaro е особено софистициран автомобил
Новата генерација има изедначен распоред на тежина меѓу осовините, варијабилен сервоуправувач, напреден ESP систем, силни кочници, V8 мотор, во комбинација со рачен менувач, а тука е и се попопуларната „launch control“ функција. Исто така треба да се истакне дека новиот модел ќе има опција за прилагодување на бројот на активни цилиндри, со што треба да се контролира и потрошувачката на гориво.
Базниот модел на Camaro ќе доаѓа со 3,6-литарски V6 мотори и 300 KS, додека спортската SS варијанта ќе ја движи моќниот 6,2-литарски V8 кој развива 422 KS. И двата мотора сериски ќе се испорачуваат со шестбрзински рачен менувач, но како опција не нуди и автоматски.
Независно од моделот, новиот Camaro доаѓа со богата опрема, односно со кожни седишта, автоматизиран клима уред, врвен аудио систем, Bluetoothom и слушање на музика преку USB.
Новото издание на спортскиот автомобил на Chevrolet на европскиот пазар се очекува да пристигне во текот на 2010 година. Цената се уште е непозната.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|