Новиот модел на Volkswagen, Caddy Topos Sail Design Concept, е возило наменето за оние кои уживаат во кампувања и сонце. Она што е интересно, е што покривот на ова комбе е направен од дрвена платформа со морнарски дизајн, која ја има на палубите на бродовите.

Идеите за ваквиот дизајн, се земени од класичните јахти, каде мултифункционалниот дрвен покрив е опколен со алуминиумска ограда. На задната врата од возилото, се наоѓаат четири скалила изработени од дрво и алуминиум кои водат до покривот. Како додатен дизајн, од страните на возилото и задниот браник е употребено дрво за да се добие префинет изглед.

Палубата на покривот може да се прилагоди во удобно место за лежење и уживање во патувањето. Дрвениот покрив, за разлика од стандардните метални, не ја апсорбира топлината, што го прави за 1000 пати поладен и воедно е поелегантен.

Ова возило е направено според највисоките стандарди и е со тригодишна гаранција. Неговата промоција ќе биде на саемот за рекреативни возила во Диселдорф, кој трае се до 7 септември.

Возилата за кампување на Volkswagen, станаа популарни уште во 1950 година, а калифорнискиот модел беше претставен во 1988 година, кога започна производството на третата генерација на Volkswagen Transporter. До сега се продадени повеќе од 80.000 вакви возила, со што Volkswagen претставува една водечките автомобилски индустрии за камперски возила.