Младите девојки не треба прерано да почнат со носење на градници бидејќи тоа може да доведе до развивање на спуштени гради, тврди шведски професор по медицина.

Според Горан Самосиое од одделот за гинекологија и акушерство при Лунд универзитетот секојдневните природни движења го стимулираат развојот на еластичното ткиво под кожата кои ги држи градите.

„Ограничувањето на природното движење на градите со премногу стегнат градник, може негативно да се одрази на развојот на еластичното ткиво“, вели Самосиое.

Професорот вели дека француска студија утврдила дека растојанието меѓу пупките на градите и земјата е помало кај жените кои рано започнале да носат градници.

(Д.Т)