Доколку сакате да изгледате секси во вртоглаво високите потпетици, нема друга солуција освен да се согласите на болка, плускавци и повторно болка. Но судејќи според новата колекција на чевли на модната марка „Marks & Spencer“, тие денови се минато.

Благодарение на посебните влошки, пролетната колекција на чевли „Per Una“ овозможува пријатен и комфорен од. Посебната влошка ја преместува тежината на телото од предната страна на стапалото на петата, поради што имате чувство дека сте на многу помала потпетица отколку што навистина е. На тој начин простите се ослободуваат од преголемиот товар, а покрај тоа што чевлата е покомфорна и држењето на телото е многу поприродно.

Новата технологија на произведување на обувки со вградени влошки наречени „insolia technology“ е применета на триесет и пет чифта  чевли со пета повисока од четири сантиметри. Нејзин идеен творец е светски познатиот ортопед Ховард Дананберг кој тврди дека чевлите со потпетица повисока од пет сантиметри предизвикува 60 отсто поголем притисок на прстите отколку чевлите со рамна пета. Новите влошки, според Дананберг го намалуваат овој процент на 22 отсто, при носење на чевли со умерено висока потпетица.

Познатиот мајстор за акупунктура Гери Трејнер, омилен кај холивудските ѕвезди од типот на Гвинет Палтроу, Џуд Ло и Ема Томпсон, објаснува дека за ногата најздраво е кога е на рамна пета, или на онаа која е со висна од еден сантиметар.

„Префрлување на тежината од предниот на задниот дел на стапалото е голем напредок и олеснување, бидејќи така е постабилен и центарот за рамнотежа. Жените  имаат двапати повеќе проблеми со колената отколку мажите, и тоа токму поради носењето на високи потпетици. Долготрајното носење на чевли со високи потпетици може да резултира со скратување на Ахиловата тетива, настанување на плускавци, како и појава на болки во долниот дел на половината“, предупредува Трејнер.

Некои медицински експерти пак како најтешка последица од долготрајното носење на високи потпетици ја наведуваат и појавата на неплодност.