Слушајте го својот организам и посветете си внимание, и после неколку дена може да се чувствувате многу подобро. За да побргу ги наполните батериите и за да му ја вратите изгубената енергија на телото, пробајте ги нашите супертрикови. Ќе се чувствувате одморени и свежи, а тоа ќе ви помогне полесно да се носите со животните проблеми.

Пијте тибетски чај

Доколку сакате да се заштитите од стрес, секојдневно пијте по неколку чаши тибетски чај, напивка за долговечност. За напивката која лесно се подготвува, потребно ви е вода, ѓумбир, сок од лимон, мед, мелена лута пиперка и анасон. Во тенџере сипете два литра вода, варете ја пет минути и оставете ја да се олади.

Потоа додајте пет грама изрендан ѓумбир, две лажици сок од лимон, две лажици мед, во прсти анасон и во прсти мелено луто пиперче. Напивката ставете ја во термос и пејте ја во текот на целиот ден. Најдобро пред секој оброк испијте по една часа.

Масирајте го целото тело

Станете десет минути порано од вообичаеното со цел да имате време за сува масажа, која ќе ве подготви за напорниот ден. Земете ја ракавицата за бањање и со силни движења тријте го табанот на десната нога, зглобот, натколеницата и бедрата.

Истото направете го и со левата нога. Потоа со кружни движења истријте го задникот, стомакот и страниците, а потоа преминете на рацете. Почнете од дланките и завршите со надлактицата. После масажата истуширајте се и нанесете хидратантно млеко за тело.

(Д.Т)