Маските за лице се задолжителни за жените кои сакаат да имаат кадифена кожа. Но, честопати забораваме на едно особено важно правило дека мора да ја подготвиме кожата пред да го нанесеме препаратот, бидејќи тогаш подобро делува затоа што кожата тогаш полесно и повеќе впива од корисните материи.

Еден од начините е да си купите фротирна ракавица. Наизменично навлажнете ја со топла, па со ладна вода, за да ја подобрите циркулацијата. Друга опција се кремите – изберете ги оние неутралните.

Лицето масирајте ги со кружни движења, а потоа тапкајте за да ја смирите кожата.

Оптималното време на овој вид на разубавување е 20 минути. Со врвовите на прстите почнете да се масирате од вратот нагоре, се до образите. Продолжете да ги масирате образите со кружни движења, а челото поради брчките масирајте го наизменично со хоризонтални и со кружни движења. Особено корисна е масажата на слепоочниците, бидејќи со тоа се активира крвотокот со кој се снабдува мозокот и така доаѓа до општо освежување на организмот. Длабоките брчки околу усните обично се јавуваат како резултат на правење гримаси, а не со текот на годините. Ублажете ги масирајќи ги со кратки и јаки притисоци во правец лево десно, а како подлога за масажата ставете крема богата со хранливи материи. Носот се масира од горе надолу, а потоа кожата се развлекува кон страните на лицето. Со тоа се постигнува еластичност на кожата, која така одморена полесно ја прима било која маска.

(Д.Т)