Со помош на советите од експертите за убавина дознајте која фризура најдобро им прилега на вашите години и кои препарати за коса се најефикасни.

Изберете практична фризура

Во раните триесетти години косата може поинтензивно да опаѓа и да биде помалку бујна. Освен тоа, повеќето жени во овие години имаат премногу обврски, а се помалку време за да и посветат на својата коса. Затоа сега е вистинското време да ја смените фризурата или да ја преобликувате така што со малку ќе изгледа одлично и тоа со користење на препарати или апарати за обликување.

Скалеста, бујна коса

Изберете фризура со која вашата коса ќе изгледа бујно. Идеалниот избор е скалеста фризура, која можете да ја оставите сама да се исуши или да ја засушите со дифузер, додаток за фен со кој ќе постигнете природен, брановите изглед.

Запрете го стареењето

Дошло времето кога вообичаената нега треба да ја потполните со уште неколку препарати против стареење на косата. Со оглед на тоа дека повеќето жени најдоцна во триесеттите години почнуваат со бојадисување на косата, вистинско време е за посебна нега. Ако сакате да ви биде еластична, еднаш до двапати неделно нанесете хранлива маска, а растот на косата најдобро ќе го поттикнете со блага масажа на темето за време на миењето.