Без разлика на годините минати во врска или брак и на тоа дали имаат деца или не, 44 отсто од мажите и 36 отсто од жените го изневеруваат партнерот, тврди социологот Џенет Левер од калифорнискиот универзитет.

Според истражувањето спроведено на 70.000 испитаници, мажите ги изневеруваат жените зошто сакат повеќе секс, а пак жените поради недостиг на внимание. Само една од пет жени ќе направи прељуба поради лош сексуален живот.

„Иако постојат воочливи симптоми на прељуба, како на пример избегнување на секс и емоционална оддалеченост, сопружниците и партнерите не ни помислуваат дека партнерот ги изневерува“, вели Левер.

Од друга страна, две третини од оние кои вршат прељуба не жалат за тоа што го направиле, а 12 отсто од мажите и 13 отсто од жените изјавиле дека им е мило што го изневериле партнерот, а само шест отсто од прељубниците го признале неверството. Жените имаат тенденција на еднократна прељуба, додека мажите на „сериска“.

„Мажите се склони кон кратки вонбрачни „излети„ и притоа не ни помислуваат да ја остават партнерката“, вели Сандра Либлум, директорка на Центарот за сексуално здравје „Роберт Вуд“, која како причини за прељуба ја наведува потребата на посилниот пол за нови возбудливи сексуални искуства.

За повеќето прељубници неверството претставува авантура, вели Левер. „Сериските“ прељубници се склони на кратки излети и тоа го прават за да ја задоволат својата сексуална љубопитност. Кога страста ќе исчезне, преминуваат на следната „жртва“.

„Најкритичен период е од третата до шестата година на врската. Тогаш мажите се чувствуваат сексуално заситени од партнерката, а жените се чувствуваат емоционално запоставени. Во тој период партнерот го доживуваат како пријател, а помалку како љубовник. За да го избегнете најлошото никако не смеете да ја запоставите сексуалната компонента на врската“, вели Левер.

(Д.Т)