Пред да се зафатите со борбата со целулитот потребно е добро да го запознаете еден од најголемите непријатели на убавината.

Целулитот е откриен во четириесеттите години на минатиот век, кога жените почнале да носат бикини, а борбата со овој естетски проблем трае веќе 70 години. И покрај неколку децениските истражувања, се уште не е откриен препарат кој може за секогаш да ја отстрани оваа напаст. До сега сте успевале да ја забрзате циркулацијата и согорувањето на мастите, да ја затегнете кожата, па така да ја намалите видливоста на целулитот. Со помош на соодветни препарати и третмани, и со соодветна исхрана и физичка активност можете да отстраните 80 отсто од целулитот.

Ласерска липосукција

Ласерската липосукција е зафат со кој се топи масното ткиво и целулитот под површината на кожата со помош на фотомеханичко делување на ласерскиот зрак. Ова е последен крик на технологијата во естетската хирургија. Ласерот истовремено го стимулира создавањето на колагенот и на еластинот, па после зафатот кожата изгледа мазна и нема брановити набори кои се видливи по стандардната липосукција. После зафатот две до три недели мора да носите стегач или хулахопки кои затегаат.

Сауна која лади

Криотерапијата е најнова метода која освен за отстранување на целулитот и на масните наслаги, се користи и за подмладување на кожата, за подобрување на расположението и за целокупното здравје на организмот. Терапијата се врши во криосауна, капсула во која се испушта гас, мешавина од азот и воздух, и тоа на особено ниска температура. Гасот го прекрива телото до пределот на рамената и благотворно делува на епидермот во кој се наоѓаат многубројни рецептори. Во зависност од тежината на телото и температурата на во сауната, можете да согорите 1.000 до 3.000 калории, а после 20 до 30 сеанси да изгубите до 10 килограми.

(Д.Т)