IDIVIDI

понеделник, 19.05.2008

IDIVIDI Мени

Стил / (Wo) man

Време е за промена на фризурата

Кога е вистинското време да ја смените фризурата? Покрај вообичаените изговори, потребна ми е промена во животот, ќе започнам со косата, еве неколку значи кои укажуваат дека треба да ја смените фризурата.

1. знак: Сте го промениле стилот на облекување, но не и фризурата

Промената на стилот на облекување е совршен изговор за промена на фризурата. На тој начин ќе добиете комплетен изглед. На пример, ако неодамна сте ослабеле и сте почнале да носите потесна гардероба, не би било лошо да изберете фризура која ќе ви го истакне вашето лице.

2. знак: Косата постојано ви е собрана

Кога веќе не знаете што да направите со косата најлесно е да земете гумичка за коса и да ја соберете. Но, тоа не е решение, туку знак дека ви е потребна нова фризура!

3. знак: Вашата коса нема волумен

На врвот на главата, косата ви е сплесната, од страна во стрчи и не можете да ја обликувате како што сакате. Доколку косата ви е спуштена и по обидот да ја обликувате со фен, виклери или четка, треба барем да ја скратите.

4. знак: Бојата на прамените премногу отскокнуваат од вашата природна боја на коса

Ова е знак дека имате премногу прамени. Тој проблем можете лесно да го решите, воздржувајќи се од ставање на нови прамени во следните 3 месеци. Доколку се плашите дека подникнатото лошо ќе изгледа, старите прамени покријте ги со боја.

5. знак: Сува коса

Понекогаш единствен начин за решавање на проблемот со сува коса е потстрижувањето. Покрај тоа, дајте и на косата дополнителен извор на сјај, ставајќи соодветна крема која ќе ја направи вашето влакно да биде помеко и помалку склоно на пукање.

6. знак: Веќе подолго време не сте добиле комплимент за фризурата

Не паметите кога последен пат некој ви ја пофалил фризурата? Време е да се запрашате кога последен сте ја промениле фризурата.

7. знак: Бојата на косата и на кожата се поклопува

Доколку боите на кожата и на косата станале премногу слични, би било добро со малку боја да дадете нова димензија на вашиот изглед.

8. знак: Пријателите од средно училиште ве уверуваат дека воопшто не сте се промениле

Мислите дека ова е комплимент? Размислете уште еднаш. Веројатно ви треба нова фризура! Променете го имиџот со нова фризура. Земете магазини и барајте се додека не ја најдете онаа која најмногу ви се допаѓа или побарајте вашиот фризер да ви препорача нешто.

9. знак: Потребни ви се повеќе од 20 минути за да средите косата

Доколку ви е потребно повеќе време за да ја средите косата, фризурата очигледно не ви одговара. Со помош на вашиот фризер, проблемот ќе биде веднаш решен.

10. знак: Фризерот може да ве потстриже со затворени очи

Доколку не сте биле во салон, време е да побарате фризер кој ќе ве потстриже.

Доколку сакате ли да ја задржите моменталната фризура, може само малку да ги скратите врвовите и да си поиграте со текстурата или боите за коса.

(Д.Т)