Алгите помагаат при хидратација, детоксикација и во борбата против брчите и нечистата кожа.

Алгите се полни со витамини, минерали и други „драгоцености“ кои се добри за кожата, поради што козметичката индустрија во голема мера ги користи во своите производи.

За Сент Мало, гратче во Бретања, знаеле сите гурмани, таму,  велат е најголемата концентрација на ресторани чија специјалност се морските плодови. Но малкумина знаат дека Сент Мало е местото каде за првпат започнале да произведуваат козметика на база на морски алги и тоа уште во далечната 1971 година, кога е основана компанијата „Phytomer“.

Зошто баш алги? Бидејќи 80 отсто од биомасата на Земјата ја сочинуваат токму тие, бидејќи го произведуваат речиси целиот кислород кој се наоѓа во атмосферата, содржат есенцијални аминокиселини, природни витамини, минерали во органска форма, како и други материи кои се особено корисни за човекот. Во Сент Мало, каде разликата меѓу плимата и осеката е 18 метра, алгите развиле неверојатна способност да преживуваат „на суво“, односно во нив е зголемена количината на полифенолите, шеќерот и липидите.

Освен нив, од алгата luminaria digitata, успеале да изолираат феохидран кој се користи во козметичката линија на Phytomer за хидратација, „Hydrocontinue“. Дел од нивните линии ја користат оваа алга која е особено ефикасна во борбата против морските непријатели, бактерии и микроби, а ставена во кремите, делува антибактериски.

(Д.Т)