Во ексклузивното интервју за магазинот “Вести за Светот“, таткото кој предходно го променил полот, Томас Бети и неговата жена раскажуваат за нивната огромна радост.

“Се чуствувам фантастично. Нестрпливо чекам да го видам лицето на моето дете“ - изјави тој.

Пред само 4 недели од породувањето на новиот член на фамилијата, среќниот пар најави дека планира да имаат и други бебиња.

Томас го промени својот пол пред 10 години, но ги остави матката и јајниците за да може да има деца во иднина.

“Сега сум во 36-тата недела и се чуствувам одлично. Секој ден со Ненси си зборуваме за тоа колку чекаме да се роди нашата ќерќичка и за тоа како ќе ја држиме за прв пат.
Веќе најмивме помошничка за одгледување на бебето, а пелените веќе ги наредивме во собата. Дури и име избравме, кое и двајцата го сакаме, но нема да го кажеме се додека не се породам. Најдобро од се е што сите кои ги познаваме не поддржуваат и сакаат. Тоа ни е поттик да имаме и други бебиња“ – рече Томас.

Сликите од неговото минато ја документираат трансформацијата од Хавајската убавица Трејси Лагондино во Томас Бети.

Храбриот травестит предизвика контроверзии низ цел свет за неговата “обратна“ бременост која е единствен начин тој и Ненси да имаат деца.

“Кога ги видовме првите слики од бебето, на Ненси и мене не ни беше важно како ќе реагира цел свет. Да имам можност да го видам нејзиното лице, усни и тело е вредно за сите навреди кои ги добивме од целиот свет.
Сонот за комплетна фамилија ќе ни се оствари за 4 недели.“ – додаде Томас во интервјуто.

Интересно е што првиот бремен маж е оплоден после вториот обид, со сперматозоиди добиени од донатор, а  со помош на  неговата жена преку шприц за животни кој го набавиле од ветеринарска клиника која се грижи за нивните папагали.

Вештачкото „само-оплодување“ е направено од причина што  ниту една клиниката за оплодување  не сакала да им ја изврши интервенцијата.

“Чекањето на дете не е ни машка ни женска работа. Тоа е човечка работа“.

(Б.Т)