Дебелите слоеви на шминка се неприфаливи за летната сезона, поради тоа мора да се направи прилагодување на мејк-апот за летните месеци.

Судејќи според последните ревии на висока мода, мејк-апот го има холивудскиот сјај на здрав, свеж и негуван изглед.

- Блескавата и негувана кожа избањата во сонце е вистински хит. Затоа императив на летнатата шминка е природен тен, кој дополнително го истакнуваме со употреба на благи, златести бои со кои ги нагласуваме јаболкниците, го сенчаме лицето, па дури и рацете и рамената“.

Таквиот мејк-ап одлично им стои на исончаните жени со потемна коса и кафени очи. Доколку очите се истакнати, златниот сјај на усните е единственото нешто што треба да се употреби. Само така лицето ќе изгледа свежо, но и префинето. Елементите од природата служат како инспирација за летниот мејк-ап. Имено бојата на коралот, цветот на олеандерот, песокот како да се преточени во сенките, руменилата и блескавите сјаеви во речиси сите колекции.

„За жените со посветол тен и светла коса, нијансите на нежна портокалова се вистинскиот избор. Усните се истакнуваат со благ сјај, што подразбира отфрлање на острите моливчиња и мат кармините. Транспарентната текстура, светлите тонови, златните честички и меките преоди даваат изглед на константен летен мејк-ап.

(Д.Т)