Зелениот чај во традиционалната кинеска медицина се користи за лекување на многу болести, вклучувајќи ги и акните. Но, се поставува прашањето колку зелениот чај е делотворен во споредба со модерните медикаменти и може ли да ги замени.

При неодамнешното истражување, кое го спроведе Џенифер Ген Вонг, екстрактот од зелен чај е споредуван со 4% бензол пероксид,  кој честопати се користи во модерните козметички препарати за лекување на акни. Резултатите од истражувањето покажеле дека зелениот чај е подеднакво добар како и бензол пероксидот. За разлика од бензол пероксидот чајот не предизвикува сушење на кожата и алергиски реакции, а воедно и дава на кожата дополнителна антиоксидациска заштита во борбата против слободните радикали.

Зелениот чај и како напивка е корисен во борбата против акните. Го олеснува варењето и помага при детоксикација на организмот, што  претставува особено голема помош во спречувањето на настанувањето на акните.

Зелениот чај не би требало да се пие со шеќер бидејќи на тој начин се намалува неговата делотворност.