Студијата покажала дека квалитетот на животот на младите кои себе си се доживуваат како дебели е значително полош од оние кои немаат ваква претстава за себе. Иако квалитетот на животот на децата со прекумерна тежина бил полош од оние со нормална телесна тежина, утврдено е дека оние кои својата тежина не ја доживуваат како проблем се посреќни од децата со нормална телесна тежина кои сметаат дека се дебели.

Исто така е докажано силното влијание на психата и сликата за самиот себе врз квалитетот на животот. Доколку тинејџерот смета дека е дебел, неговиот квалитет на живот слабее, без разлика на неговата вистинска тежина. Ова правило посебно важи за девојките.

Исто така е утврдено дека во последните години нагло расте бројот на младите кои себе си се сметаат за дебели, а тоа не е поврзано со стапката на пораст на популацијата со прекумерна тежина. Психолозите предупредуваат дека ова е последица на притисокот, кој начесто доаѓа од медиумите, кои диктираат како секој треба да изгледа и колку треба да е слаб.

(Д.Т)