Сексот и храната се најголемите мотиватори на човекот. Во овие модерни денови на инстантно задоволство, како McDonald's и домашна достава на пица, заборавен е вистинскиот вкус на храната. На овој начин се губи убавината, шармот и способноста на храната за заведување.

Сексот и апетитот се поврзани во нашиот мозок со центарот кој ја контролира емоционалната активност. Според книгата Seduction Food cookery class на Натали Шоти, равенството "добра храна - добар секс", е точно.

Натали смета дека луѓето кои не се љубители на храната, си го скратуваат изворот на радост и уживање. Таа верува дека љубовта и храната ни овозможуваат да ја почувствуваме и другата димензија на секојдневните работи.

Со користењето на зачините како што се оригано, кари, црн пипер, чили или босилек, се дава специфичен вкус на храната, додека посебно е задоволството кога се употребуваат за припремање на романтична вечера.

 (Т.Ј)