|
 |
Стил / (Wo) man
Искушенијата и врските
Искушенијата се насекаде, но начинот на кој мажите и жените реагираат на флертувањето, ги одредува последиците врз нивната врска. Во новото истражување, психолозите детерминираа дека мажите гледаат на нивните партнерки понегативно, откако ќе сретнат слободни и атрактивни жени. Од друга страна, жените се повеќе склони да работат на продлабочување на нивната моментална врска, откако ќе запознаат згоден и привлечен маж.
Мажите флертувањето не го сметаат како закана за врската, додека жените сметаат дека тоа би ги променило односите со партнерот. "Мажите можат да научат да одолеат на искушението, ако се поттикнат да мислат дека флертувањето со атрактивна жена може да значи крај за неговата врска," вели авторот на истражувањето Др. Џон Лидон, професор на МекГил Универзитетот во Монтреал.
Истражувачите направија неколку експерименти врз 724 хетеросексуални мажи и жени, за да видат како тие кои се во сериозна врска реагираат кога атрактивна личност ќе ги стави во искушение.
Во еден од експериментите, 70 од машките испитаници, беа запознати со привлечна жена без претходно да им се каже за што се однесува експериментот. На дел од овие мажи им била претставена девојка без обрски која флертувала со нив, а на другите девојка која била во врска и ги игнорирала.
Веднаш после ова, им било дадено да пополнат прашалници каде требало да одговорат како ќе реагираат доколку нивната партнерка направила нешто за да ги изиритира, како на пример лажење за причината поради која го откажува состанокот или пак открива некои непријатни податоци за него. Од оние мажи кои запознале слободни жени, 12% биле помалку спремни да простат нешто такво. За разлика од нив, 17,5% од жените кои биле ставени во иста ситуација, изјавиле дека би го простиле лошото однесување на партнерот.
Едно толкување на овие истражувања беше дека мажите не знаат како да се заштитат од искушенијата. Меѓутоа Др.Лидон не се согласува со ова и вели: "Сметаме дека доколку мажот види дека постои закана за неговата врска ако сретне привлечна жена, тој ќе се ангажира повеќе за зачувувањето на врската." Тој смета дека, ако мажот се програмира дека не смее да ја загрози врската кога би се нашол пред убава жена, ќе знае како да се дистанцира од искушението.
Лидон вели дека на жените не им е потребно да имаат претходна психичка подготовка за да можат да се контролираат пред згоден маж. Жените за разлика од нив, се свесни за тоа каква врска може да понуди атрактивен маж, и затоа сакаат стабилност во врската. Овие истражувања покажуваат дека и покрај тоа што мажот е во врска, тој треба да научи како да ги избегнува можните искушенија. Сепак не може со сигурност да се тврди колку ова би било успешно, бидејќи се зависи од тоа колку мажот индивидуално е свесен за последиците од неговото флертување. (T.J)
|
|
|
|
|
|
 |
Пребарување
|
|
|
|
|
|
|
WEBmail |
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|