Стил / (Wo) man
Придружничката ја засени мисицата со својата тежина
Клои Маршал, која со својата тежина ги надмина сите натпреварувачки на изборот за мис на Англија, успеа да стигне до титулата прва придружничка, иако нема идеални пропорции.
Клои, која е висока 175 сантиметри, тешка 82 килограми и обем на колкови од 106 сантиметри сака да стане оперска пејачка. Пред изборот, Маршал изјави дека би сакала барем да влезе во финалето.
„Сакам на сите да им покажам дека може да се биде убава, без разлика на тежината“, изјави Клои која носи конфекциски број 46.
Клои Маршал, за чие учество се дигна голема прашина во британските медиуми, пред се поради нејзината прекумерна тежина, успеа со своите пропорции да ја засени и самата мисица. Победата ја однесе 22-годишната Лора Колман, чија мајка и баба, своевремено исто така учествувале на избори за убавина.
Изборот за мис на светот ќе се одржи во октомври во Украина.
(Д.Т)
|