Курс за „спонзоруши“
После прирачникот со кој девојките се советуваат како да уловат милионер, Русинките и Русите одлучија дополнително да заработат на „спонзорушите“, девојките кои се чувствуваат така или пак сакаат да станат такви.
Најновиот хит е школата за заведување мажи, во прв ред милјардери. Најважно, велат искусните, е заводливото наведнување и краткото здолниште.
Интересно е што повеќето посетителки на курсот се постари од 20, па дури и 30 години, неверојатно се убави, атрактивни и успешни. Сите тие имаат иста цел, да фатат богаташ.
Двонеделните курсеви, кои чинат 130 евра ги држи 22-годишната Јевгенија Стешова. Доказ за тоа дека Стешова знае што зборува е фактот што е омажена за 20 години постариот Владимир Раковски, сопственик на школата за заведување.
„За да фатите богаташ, секогаш треба да носите високи потпетици и јаки бои. Однесувајте се помалку срамежливо. Доколку почувствувате дека среќата ќе ви се насмее, а во моментот немате убава долна облека, соблечете ја и правете се дека сте заборавиле да облечете гаќички“, советува Јевгенија.
(Д.Т)
|