Перуанските власти ќе покренат кривична пријава против манекенката Лејси Суарез за фотографиите на кои таа гола јава коњ, а знамето на Перу го користи како седло.

Суарез би можела да добие четири години затвор за навредување на патриотските чувства на Перуанците

Фотографиите на Суарез, кои се најдоа и на насловната страница на магазинот „DFarandula“ ја згрози перуанската јавност која се подготвува за прослава на 187-годишницата од независност на државата.

„Тоа се патриотски симболи кои заслужуваат целосно почитување. Нивното несоодветно користење заслужува казна. Тоа е навреда“, изјави перуанскиот министер за внатрешни работи Антеро Флосер.

Според Лесли Суарез самото позирање за спорната фотографија претставува патриотски чин.

„Не направив никакво злосторство. Го сакам Перу и тоа го докажав и со телото и со душата“, изјавила Суарез која повеќепати е прогласувана за најсексапилната жена во Перу“.

Угледниот адвокат Марио Аморети вели дека се зависи од тоа како се користи црвено-белото знаме на Перу.

„Едно е да се го користите знамето како наметка, но сосема е друго доколку сте голи и знамето го употребите како седло за коњ“, вели Аморети.

(Д.Т)