|
 |
Стил / (Wo) man
|
|
Како секогаш да бидете во топ форма
Постојано сте загрижени за вашата тежина, пиете секакви апчиња за слабеење и одите со километри, но сепак не успевате да го постигнете идеалниот изглед на вашето тело. Во тој случај, повеќе нема потреба за што да се вознемирувате. Научниците ја открија магичната формула, која несомнено ќе ви помогне не само да изгубите дел од тежината, туку и да успеете да ја одржите истата со текот на годините.
Според научниците од Универзитетот во Питсбург, доволно е да вежбате пет дена во неделата по 55 минути дневно, во комбинација со здрава исхрана за да бидете во топ форма. Овој режим треба да се практикува две години за да се добијат саканите резултати.
До сега беа препорачувани по 30 минутни вежби во текот на денот за да се одржи телесната тежина, но се покажа дека времето на вежбање треба двапати да се зголеми.
Ова се покажало со една студија спроведена на 200 жени. На нив им бил даден посебен режим на исхрана каде требало да земаат од 1200 до 1500 калории во текот на денот. Исто така тие морале да вежбаат умерени или енергични вежби кои им помагале во согорувањето на калориите.
После шест месеци сите од нив изгубиле 8-10% од килограмите и стекнале идеален индекс за телесната тежина меѓу 20 и 25.
Но потоа се појавил проблемот за одржувањето на постигнатата тежина. После две години кај нив се забележало дека една од пет жени кои продолжиле со вежбање успеале да ја задржат истата тежина, додека останатите повратиле 5% од претходната тежина.
Во просек овие жени согорувале 1835 калории со 275-минутно вежбање, односно 55 минути секој ден. Ова испитување покажало дека времето кое се троши за физичка активност, е решавачко за постигнување и одржување совршена телесна тежина.
(Т.Ј)
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|