Кели Нокс, модел со пола рака
Кели Нокс, која има пола лева рака , победи на натпреварот за Top disabled model на BBC3, каде како награда доби фотосесија за насловна страна на списание.
Кели се пријавила на овој натпревар кога ја видела рекламата на Facebook, каде се барале девојки со некаков недостаток, кои можат да бидат модели. Испратила фотографии и ја повикале на разговор во Лондон. Таму моделите добиле различни задачи меѓу кои снимања, позирања вклучувајќи ги и оние за голи фотографии.
Таа вели дека била премногу возбудена и дека за неа ова е едно прекрасно искуство, бидејќи првпат во животот има можност да работи со светски познати фотографи и професионален тим.
"Во ниеден момент не погледнав во мојата рака, цел живот навикнав да бидам таква и воопшто не се чувствувам како неспособна," вели таа.
Кога се родила, нејзините родители, одлучиле да ја научат да биде свесна за тоа и да не гледа како на недостаток. Таа била одлучна да прави сè што и останатите деца, како што е возење велосипед или пливање.
Вели дека во ниеден момент не се почувствувала различно од останатите. Иако имала вештачка рака, таа не се чувствувала удобно и одлучила да не ја носи, бидејќи одлично ги правела сите активности со една рака.
Кога почнала да оди на училиште, како и сите деца одела на часови по глума и танц, и ништо не ја спречило да се вклопи во средината. Таа не се труди да го сокрие недостатокот, се чувствува слободно кога излегува и не ја интересира доколку луѓето ја гледаат чудно.
(Т.Ј)
|