Младите мажите не се опседнати со сексот
На младите слободни мажи им е прекуглава да ги сметаат за незрели, нечувствителни и опседнати со секс. Последното истражување покажало дека повеќето од нив веруваат во постоење на сродна душа, не им е страв да се врзат и да заплачат.
Истражувањето во кое учествувале 70.000 мажи на возраст од околу 28 години ги отфрли повеќето стереотипи поврзани со мажите, и покажа дека модерниот маж се води од вредностите како што е верност и семејство.
Анкетата, спроведена од интернет сајтот за мажи AskMen.com, покажала дека 77 отсто од мажите бараат девојки кои би можеле да им станат сопруги. Исто така 75 отсто од претставниците на посилниот пол веруваат дека ја пронашле својата сродна душа, а пак 69 отсто од учесниците во анкетата тврделе дека никогаш не ја изневериле својата партнерка.
„Истражувањето ќе ги изненади жените, особено што голем дел од нив имаат сосема поинаква претстава за тоа што просечниот маж мисли и чувствува. Неточна е идејата дека младите мажи сакаат да се слободни и постојано да ги менуваат девојките“, вели Џејмс Басил, главниот уредник на AskMen.com.
Онлајн истражувањето, кое траело цели пет недели, покажува дека шест од 10 мажи се револтирани од тоа како се претставени во рекламите.
Басил вели дека сликата за мажот која се претставува на телевизиите и рекламите не е сменета со децении, за разлика од сликата за жените во медиумите која постојано се менува, како во домот, така и на работното место.
„Во телевизиските комедии и реклами, младите мажи се претставуваат како незрели ликови кои постојано се обидуваат од своите девојки или жени да го скријат своето лошо однесување. Но реалноста не е таква“, вели Басил.
Истражувањето покажало дека 56 отсто од мажите сметаат ако се добри татковци и сопрузи се „помажествени“. Со анкетата исто така е откриено дека 75 отсто од мажите заплакале поради жена, додека 57 отсто од посилниот пол готви и ужива во тоа.
„Ова покажува дека традиционалните вредности се будат кај мажите, кои се повеќе се спротивставуваат на тоа што го пласираат медиумите“, вели Басил.
(Д.Т)
|