Еве неколку  причини:

 - Кога тоа мало човече, плод на вашата љубов ќе влезе во вашиот живот, сакате да бидете со него 24 часа на ден,  вклучувајќи ја  и ноќта. Ги игнорирате и советите од стручно лице кое ве предупредува од опасноста на заедничкото спиење (можност за гушење во сонот), верувате на својот мајчински инстинкт, кој ја држи вашата потсвест, будна.

- Младите мајки најчесто инсистираат на спиење со своето дете, затоа што тоа се буди три до четири пати во ноќта за јадење.

- Вработените мајки пак, се уверени дека спиењето со детето е компензација за времето што не  биле со него.

Во првите месеци вие и вашиот сопруг во целост ги игнорирате потребите за секс, уверени дека ништо не ви недостасува. Кога зборувате за тоа со пријателите, се судирате со неразбирање и предупредувања за последиците, но вие само се смеете на нивните ,,будалаштини″.

Но, кога детето ќе наполни една година, а вие ќе посакате интима, водење љубов и приватност, СВАЌАТЕ ДЕКА ТОА Е НЕВОЗМОЖНО!!!!!!

Тогаш одлучувате детето да има сопствен кревет. Меѓутоа, во тој момент се појавуваат проблемите; не спиете од плачот и врисокот на вашето дете кое сака да легне до вас и толку сте огорчени што на крајот попуштите. Повторно сте во креветот со вашето дете, повторно без интима и вашиот брак страда.

Родители кои го преживееле ова, признаваат дека во целост ја изгубиле желбата еден за друг, интимата и западнала во криза.

За да не ви се случи и вам истото сценарио, реагирајте на време. Одвојувајте го детето во првите денови од животот во негов кревет. Имате право на игра и уживање со него, но  мора да постои ред.

Послушајте ги советите на поискусните и секако на стручните лица. Единствено на тој начин ќе го зачувате вашиот брак, а вашите деца ќе бидат среќни и задоволни.