|
 |
Стил / (Wo) man
|
|
Со трикови до подобар изглед
 Според едно истражување спроведено во шопинг центар во Велика Британија, голем процент од жените користат различни измами и трикови за да изгледаат попривлечни.
Педесет отсто од жените опфатени во истражувањето користат таканаречени „puss-ap“ градници за да ги истакнат своите гради, а секоја четврта жена носи широки гаќички како оние што ги носеше актерката Рене Зелвегер во филмот „Дневникот на Бриџит Џонс“ бидејќи ги прикриваат облините и даваат впечаток за рамен стомак и привлечен задник.
И познатите личности ги користат овие трикови. Џенифер Лопез неодамна на еден свој настап откри дека носи „магични гаќички“.
Една третина од жените во Велика Британија користи пригушено светло за да создаде романтична атмосфера и да ги прикрие своите недостатоци. Некои од 1.300 - те испитанички кои учествувале во истражувањето признале дека имаат необични методи за разубавување, како мачкање со вазелин на очните капаци за да изгледаат поживо или користење креми против хемороиди под очите за да се ослободат од подочниците.
 - Да се чувствуваш и да изгледаш секси, денес е еден од приоритетите на Британките, но е изненадување колку жените се подготвени да сторат измами за да изгледаат попривлечно, раскажува една продавачка која често на клиентките им ги нуди популарните „магични гаќички“.
Меѓу најголемите женски срамови се вбројуваат размачкана маскара, недепилирани нозе, размачкан кармин по забите, неизедначен слој на течна пудра и паѓање од високи потпетици.
Според мажите, жените изгледаат најсексапилно кога се облечени во кратки здолништа и блузи со деколтеа. Жените сметаат дека најдобро изгледаат во класични црни фустани или фармерки.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|