Twiggy повторно се активира
Некогаш славната манекенка Twiggy, позната по својата неверојатно тенка става, повторно стана заштитно лице за козметичката куќа Olay. Без разлика на тоа што таа речиси е во седмата деценија од животот, манекенката која е позната и по прекарот стапче се уште изгледа добро .
Речиси 25 години откако за првпат ги рекламираше производите на оваа козметичка куќа, Twiggy, повторно потпиша договор со Olay за рекламирање на новата крема Olay Definity од линијата против стареење на кожата.
Во 60-те години на минатиот век модниот агент Најџел Дејвис ја забележал 16-годишната средношколка, Лесли Хорнби, која потоа стана позната под името Twiggy.
Twiggy е првата слаба манекенка која зачекори по модните писти и која засекогаш ги популаризираше момчешките облини во светот на модата.
Производите на компанијата Olay почна да ги рекламира уште во 1985 година, а речиси 25 години подоцна оваа поранешна манекенка докажа дека и во поодминатите години може да се изгледа одлично.
|