Презервативите може да се најдат во различни текстури, но кога станува збор за нивната форма нештата се малку ограничени. Голем број мажи го искусиле моментот кога кондомот едноставно паѓа од нивниот полов орган или пак е претесен за нивната машкост.
Тајванскиот дизајнер Гуан-Хао Пан тргнал од идејата дека мажите имаат различни форми на пениси, па поради тоа заслужуваат и кондоми кои ќе ја следат природната форма на органот.
-Истражувањата покажуваат дека дури 60 проценти од сите пукања на кондоми се должат на лошо избраната големина и лошото позиционирање, објаснува Пан.
Тој создал колекција на кондоми базирана врз тоа на кое овошје или зеленчук наликува машкиот пенис. Благодарение на него мажите сега може да избираат помеѓу форма на краставица, морков, банана, тиквичка и дајкон.
- Love Guide кондомите им помагаат на корисниците да го изберат вистинскиот кондом и да го искористат на правилен начин, вели дизајнерот.
Се што им преостанува на мажите е да го купат она овошје или зеленчук кое најмногу наликува на нивниот пенис и да се фрлат на работа.