На некои жени им е непријатно да гледаат порно филмови, но тоа не е случај со француската фотографка Софи Ебрар која помина 4 години од својот живот фотографирајќи на сетовите на порно режисерот Газман.
Резултатот е интимна серија на фотографии наречена „Тоа е само љубов“ што ја раскажува приказната за тоа што се случува зад камерите додека се снима еден порно филм.
-Со фотографија се занимавам од 2010-та. По година дена почувствував потреба да ги поместам своите граници и да го истражувам човечкото тело. Сакав да направам проект кој ќе ги спои сексот и голотијата, вели Ебрар.
Првиот чекор биле свингерските забави.
-Пријател ме запозна со човек кој организира најдобри забави во Лондон во една вила под име 33 Portland Place. Таа вечер ми ги отвори очите, раскажува таа и додава –луѓето имаа секс пред моите очи. Тоа го доживеав како нешто фасцинантно и преубаво. Таа вечер ми беше судбоносна. Го запознав Газман, познатиот порно режисер. Разговаравме за камерите и притоа добив покана што беше тешко да ја одбијам.
-Луѓето веднаш мислат дека сето тоа е одвратно, но моето искуство е потполно различно. Открив свет што е многу професионален и хуман, а попатно стекнав и нови пријатели. Има многу љубов таму, објаснува Софи.
Таа ја изложи својата серија на фотографии во својата куќа во Амстердам како дел од фестивалот „Невидено“ што траеше до 27-ми септември.