Луѓето не ретко лажат за своите сексуални искуства и тоа најчесто за бројот на партнери кои што ги имале. И додека некој крие дека спиел со 5 наместо со 10 луѓе, некои мажи и жени кријат дека се уште се невини.
Ако во минатото да се биде девица беше прашање на чест, денес многумина на тоа гледаат како на недостаток и неможност да се вклопат во друштвото.
Како реално изгледа да се биде невин на „стари“ години откријте преку искуствата на неколку луѓе кои признаваат дека ги лажат своите пријатели за своето сексуално искуство.
Наскоро ќе наполнам 26 години, а и понатаму сум девица. На своите пријатели им велам дека сум имала секс зошто непријатно ми е да им признаам. Имам чувство дека ако им ја кажам вистината, ќе мислат дека не сум нормална.
Со години лажам за својот статус на девица. Страв ми е дека никој нема да ме посакува на тој начин и дека ќе бидам непожелна за врска. Затоа измислувам дека сум искусна, а своето искуство го собирам со гледање порно филмови.
Го лажев своето момче дека не сум девица, па затоа првиот секс не беше ништо посебно. Во суштина тој ме откри.
Отсекогаш сум лажела за својата девственост. Не знам како ќе ја поднесам осудата од другите луѓе.
Секој потенцијален дечко со кој бев и знаеше дека сум невина ја доживуваше мојата невиност како нешто до кое што мора да дојде, па затоа повеќе не зборувам за тоа.
Понекогаш лажам дека не сум девица зошто се плашам дека мажите нема да ме сакаат ако ја знаат вистината. Би побегнале!
Зборувам дека не сум девица затоа што луѓето не разбираат дека постојат луѓе кои не се опседнати со секс.
Понекогаш лажам за да стекнам нови пријатели
Признавам дека ги лажам своите пријателки дека не сум девица, затоа што постојано ме прашуваат „ Кога ќе имаш секс?“
Имам 19 години и лажам за својата невиност. Некако се чувствувам глупаво кога треба да кажам: Уште го чекам вистинскиот.