Очигледно да. Според студијата која беше презентирана за време на конвецијата по психологија во Торонто, секстингот (праќањето на експлицитни фотографии и СМС пораки) на партнерот придонесува за подобрување на сексот во врската.
Според учесниците кои учествуваа на конвенцијата на Асоцијацијата на психијатри во Торонто, самата пракса на секстинг се смета за ризична, но е од голема помош во подобрување на сексуалниот живот, а и на врските генерално.
Студијата делумно била базирана на он лајн анкета направена врз 870 личности во САД на возраст од 18 до 82 години. Дури 80% од испитаниците во анкетата потврдно одговориле на прашањето дали направиле „секстинг“. Три четвртини од нив ги испратиле експлицитните фотографии на девојките/момчињата, сопругите/сопрузите и сите од нив потврдно одговориле дека самиот „секстинг“ позитивно влијаел врз нивниот сексуален живот. Генералното мислење е дека секстингот придонесол паровите да излезат од „монотонијата“ во нивната врска и да го направат сексот позабавен.
Испитаниците исто така се изјасниле дека се свесни и за негативните страни на секстингот, особено од ризикот нивниот телефон да биде хакиран и нивните фотографии да бидат објавени во јавноста.