Првиот состанок поминал во совршен ред, хемијата постои, се смеевте, тој изгледа прекрасно... па на крај си разменивте и страсни бакнежи!
Се е како подмачкано! Но, пред вас постојат две опции – одење дома или препуштање на страстите и моменталниот секс.
Кој избор би го направиле вие?
Желбата ви покажува дека втората опција изгледа навистина добро, но логиката ви покажува дека со тоа ќе ја уништите секоја шанса за понатамошен развој на една сериозна врска. Можеби тој ќе помисли дека сте лесна девојка, па повеќе нема да сте му интересни за да ве освојува.
Според мислењето на мажите, правилен избор едноставно нема. Слушајќи ги нивните одговори на прашањето „Секс на првиот состанок? Да или не?“ не успеавме да дојдеме до еден заклучок. Прочитајте неколку од одговорите:
- Ако е „бомба“ во кревет воопшто не ме интересира на кој состанок сме спиеле. Се знае, таа е моја и тоа за сериозно.
- Не би спиел со девојка која би се согласила на секс на првиот состанок. Би бил среќен што ќе завршам во кревет со неа, но за нешто сериозно не ми е потребна.
- Јас и жена ми имавме секс на првиот состанок. Поминаа десет години и не ни недостига буквално ништо.
- Што побрзо, тоа подобро. Во старт треба да се открие дали сте компатибилни во креветот, бидејќи ако не сте, тогаш се е залудно.
- Би се сомневал во нејзиниот морал и личност, ако заврши со мене во кревет истата вечер и кога сме се запознале.. Би ме мачела можноста дека тоа го прави со сите.