Сопственикот на првата европска нискобуџетна авиокомпанија „Ryanair“, Ирецот Мајкл Олири најави евтини прекуокеански летови кои за бизнис класата ќе нудат и орален секс.

На прес-конференцијата во Дизелдорф Олири официјално ја претстави новата понуда. Чекајќи преведувачката да ја преведе неговата изјава на германски, досетливиот претприемач се сети на уште две причини поради кои патниците треба да летаат со неговата компанија, а тоа се „удобните кревети и пушењето“.

Збунетата преведувачка немо го погледна Олири, кој сфатил дека шегата му успеа, па продолжил со објаснувањето дека картите во економската класа ќе чинат 10 евра, додавајќи дека картите од бизнис класата ќе бидат поскапи бидејќи патниците ќе можат да ги користат оралните секс услуги.

Гледајќи дека преведувачката не планира да ја преведе неговата изјава, сопственикот на „Ryanaira“ ја праша како на германски се вика „blow job“. Кога таа во шок му одговори дека Германците немаат соодветен збор за тоа, Олири тажно заклучи „Колку е катастрофален сексуалниот живот во Германија“.

Богатиот Ирец, познат по својот невообичаен хумор, минатата година издаде календар во кој неговите стјуардеси се сликани голи. Календарот се продаваше заедно со картите, а средствата од продажбата беа дадени за хуманитарни цели.

(Д.Т)