Нови секс стилови
Иако повеќето романтици веруваа дека после деценијата на слободен секс, повторно се враќа водењето љубов со емоции, мораме да констатираме дека времето на новиот пуританизам веќе одамна е зад нас. Брзиот начин на живеење, недостигот на слободно време за потрага на партнер, но и новите филозофски односи кон светот и влијанието на средината придонесоа за создавање на нови правци.
Најновиот стил кој ни стига од САД, всушност како и многу други новини, е водењето љубов на вегетаријански начин, односно вега секс. Се поголем е бројот на следбеници на вегетаријанскиот начин на живеење. Покрај отфрлањето на намирници од животинско потекло и појавата на се поголем број на организации за заштита на правата на животните, како и некористењето облека и предмети од крзно и кожа, се поголем е бројот на лицата кои бараат партнери со исти уверувања. Со констатациите дека не можат да се бакнуваат со лице кое само неколку минути пред тоа џвакале „мртво животно“, вегетаријанците полека градат нов стил во сексот. Навестувањата дека за неколку години ќе можеме да го разбереме говорот на животните, па дури и со нив да комуницираме, голема е веројатноста за зголемување на бројот на вегетаријанците, а со тоа и на оваа сексуална техника.
Дилемата е што ќе се случи кога научниците ќе откријат дека и растенијата размислуваат и чувствуваат и кога ќе посакаат и со нив да комуницираат? Поради се поголемата презафатеност во Англија се појави таканаречен тутинг или блудџеинг, поими кои би се објасниле како секс со непознато лице од вашата непосредна близина.
Доволно е само да имате мобилен телефон, да се вклучите во „Bluetooth“ мрежата и во вашата непосредна близина да најдете личност која во истиот тој момент има исти пориви како и вие.
„Tооting“, пак е бесплатен сервис кој повикува на анонимен секс во јавниот превоз, но и затворен простор, стои во објаснувањето на најновото хоби на интернет. По воспоставената врска, лицата разменуваат неколку пораки, евентуално фотографии и се договараат за местото за размена на страстите. Поентата е тоа да биде јавно место, тоалет во ресторан, празно купе во воз, паркинг, па дури и некоја празна канцеларија. Ваквиот тип на секс предизвикува зголемување на адреналинот во крвта. Дометот на оваа сексуална игра е 10 метра, што значи дека потенцијалниот љубовник се наоѓа во вашата непосредна близина.
Извесен Џон со прекарот, автор на „водичот“, објаснува дека tооting-от настанал пред сервисите за романтични средби, кои исто така се базираат на поврзување преку мобилни телефони.
„Класичните и романтични рандевуа со цвеќе и вечера во ресторан не им одговара на темпераментните лица кои се желни за силни и оригинални возбудувања. Tооting врската им овозможува да имаат сека на најнеобични места. Се почест е сексот без обврски и изливи на емоции“, вели Џон.
Сепак, тој не предупредува како да го препознаете „психото“ кој има поинакви намери и како да ги избегнете непријатните ситуации, кои во дадените околности се сосема очекувани. (Д.Т)
|