Доказ дека сексот и не е најважната работа на светот е крахот на еротскиот филмски фестивал во Мадрид.

Фестивалот, годинава кој се одржуваше за време на Европското фудбалско првенство го посетиле само 15.000 лица, што е за четири пати помалку од минатата година.

Одличните резултати на шпанската фудбалска репрезентација на Европското првенство ги одвлече верните посетители на фестивалот, кои годинава одлучија наместо стриптиз или секс на сцена да гледаат фудбал.

„Фудбалот и шпанската репрезентација го уништија фестивалот. Фудбалот е еден од ретките работи кои мажите го ставаат пред сексот, изјави директорот на фестивалот Џули Симон.

Сепак Симон се надева дека следната година повторно ќе им се врати нивната верна публика и дека 17-то издание на фестивалот ќе привлече и нови посетители.

(Д.Т)