Работното место е простор во кој можеме да проживееме една третина (ако не и повеќе) од секојдневниот активен живот. Секојдневно се среќаваме со, повеќе или помалку, истите луѓе, си веруваме взаемно, имаме заеднички прослави, си помагаме, се повеќе сме поврзани. На работното место може да се создаде особено пријатна интимна атмосфера, која може да биде вистинско прибежиште од домашните и семејните проблеми. Свет, во кој не сме само таткови, мајки, сопрузи и сопруги. Во тој свет многумина го заживуваат својот живот – сексуалниот.

Сексот благопријатно делува врз луѓето и ги опушта. Ја враќа енергијата, добрата волја, оптимизмот, кој после долгите работни часови и бројните години на работното место понекогаш хронично недостига. Сексот на работното место е таен, што го прави уште попривлечен. Понекогаш сексот на работното место се проширува и надвор од работното време. Станува вистинска авантура. Повеќе од 60 отсто од мажите и 40 отсто од жените, наводно, според последните истражувања имаат секс на работното место. Во едно истражување 45 отсто од мажите изјавиле дека веднаш би имале секс со шефицата доколку добија унапредување. Експертите сметаат дека малата предигра може да ги подобри условите на работното место.

Сепак и кај „службените“ активности од тој вид потребна е доза на трезвеност. Познаваме работодавци кои велат „служба си е служба, дружба си е дружба“. Доколку сето тоа го земаме левтерно и без посебно оптоварување, тоа може да доведе до одредени позитивни промени, но ако случајно предлабоко зацапаме , може да ни донесе главоболки и незадоволство. Затоа се препорачува пред да се фатите за возот, добро запрашајте се што навистина сакате, очекувате од својот живот.