Доколку внимавате на исхраната и воедно се обидувате да го симнете вишокот килограми, а летото не ви го буди апетитот, честопати за ручек ќе изберете салата. Но, следниот пат двапати ќе размислите ако ви кажеме дека готовите салати кои можете да ги купите во продавниците имаат повеќе масти од еден Биг Мек хамбургер.
Салатите врз кои е направено истражувањето во САД, содржеле речиси иста количина на масти, колку што изнесува дневно препорачаната доза. Биг Мекот и средната порција пржена компирчиња, и покрај тоа што се сметаат за недиетална храна, содржат 30 отсто помалку масти од готовите салата, велат експертите.
Најкалорична состојка на салатите обично е мајонезот, а тука се и најразличните сосови, кои најчесто се главни носители на мастите во салатите. Купувачите, освен тоа, тешко ќе откријат која салата има повеќе маснотии, бидејќи на декларациите најчесто се наведени само калориите, но не и мастите.
Тоа што на купувачите дефинитивно ќе им помогне при одлучувањето што да купат и јадат секако е точната и деталната декларација, на која ќе стојат калориите, но и количината на масти, шеќер и сол на производот.