Велат колку поголемо, толку подобро. Но, кога станува збор за големината на машкиот полов орган се е релативно. Големите примероци се навистина ретки, а оние кои ги имаат не секогаш знаат како да се справат со она што го поседуваат.
Првичен шок
Велат дека жените сакаат мажи со големи пениси, но ретко која жена се чувствува самоуверено кога од гаќите на нејзиниот сакан ќе излезе нешто навистина големо. Повеќето остануваат помалку збунети и си мислат „Ова ќе боли!“
Неопходна предигра
Големиот пенис наметнува подолга и поинтензивна предигра. Последното нешто што го сакате кога имате секс со голем пенис, е сува вагина која не е подготвена за пенетрација, па затоа колку е поголема опуштеноста, толку подобар ќе биде и самиот сексуален чин. Потрудете се да не ги фокусирате мислите на големината, туку на задоволството.
Стандардот не одговара
Стандардната големина на кондом повеќе не е прифатлива. Пред да се впуштите во акција ви е неопходен XL презерватив. Не се препорачува да експериментирате со помал кондом од оној што навистина ви е потребен.
Лубрикант при рака
Лубрикантот преку ноќ станува вашиот најдобар пријател со оглед на тоа дека секое дополнително подмачкување од она природното е добредојдено. На тој начин сексот станува подобар и повеќе можете да уживате во самата пенетрација.
Полн погодок
Колку е подолг и подебел, толку повеќе ги стимулира вагиналните ѕидови при триењето и ги активира нервните завршетоци кои пак го прават оргазмот поинтензивен. Се разбира и партнерот треба да знае како да ја користи својата „играчка“ на вистинскиот начин.