Научниците велат дека постои силна поврзаност меѓу сексуалната ориентација и зачестеноста на оргазмите.
Имено, според нив, токму хомосексуалките имаат голема предност пред хетеросексуланите и бисексуалните жени.
Овој податок го открило неодамнешното истражување, кое сугерира дека лезбејките имаат многу поголеми шанси да доживеат оргазам, кој на генерално ниво е многу понепредвидлив и поразновиден од машкиот оргазам. Во истражувањето учествувале 6150 испитаници, на возраст помеѓу 21 и 65 години.
Еве уште неколку интересни податоци кои ги открило ова истражување:
- Бисексуалките најретко доживуваат оргазам (во 58% од случаите) и истиот има послаб интензитет.
- Хомосексуалките доживуваат оргазам во 75% од случаите.
- Хетеросексуалните жени доживуваат оргазам во 62% од случаите.
- Жените, кои се во врска, два пати полесно доживуваат оргазам. Но, само 25% од нив врвното сексуално уживање го искусуваат буквално во секој сексуален однос со партнерот.
- Тајната на успешноста на хомосексуалките на ова поле лежи и во тоа што тие многу повеќе време му посветуваат на оралниот секс и секси играчките, што полесно доведуваат до оргазам. Исто така, огромна предност има и фактот што жените во истополовиот однос се поопуштени и добро го познаваат женското тело.
Од друга страна, пак, кај мажите не се забележани такви отстапувања. Хетеросексуалните мажи доживуваат оргазам во 85,5% од случаите, хомосексуалците во 84,7%, а бисексуалците во 77,6% од случаите.