Зошто да се обидувате да ја пронајдете фамозната Г-точка кога можете да имате подеднакво моќен секс и со стимулација на таканаречената CUV зона?
Додека сексолозите со години се обидуваат да докажат дали Г-точката навистина постои или пак станува за добро смислен мит, истражувањето на група италијански научници сугерира дека потполно треба да заборавиме на неа и да се фокусираме на цело подрачје.
CUV кратенката во суштина се однесува на делот кој ги опфаќа предниот вагинален ѕид, клиторисот и мочниот канал. Според професорот Емануел. А. Жанини со правилна стимулација на овој дел, секоја жена може да доживее оргазам за паметење и да има квалитетен сексуален живот исполнет со задоволство.
Земајќи предвид дека женскиот оргазам е навистина комплексен, научниците веруваат дека истиот не може да се сведе само на една точка како што досега се сугерираше. Тимот на професорот Жанини претходно открил дека ткивото помеѓу мочниот канал и вагината е најдебело кај жените кои се изјасниле дека имаат Г-точка.